Күндү төрөппүттэрбитин, үлэһиттэрбитин дьиэ кэргэн күнүнэн итии истиҥ эҕэрдэ!!!

Ил туруктаах дьиэ кэргэни
Чолбон сулуска холуубун,
Эйэлээх ыал холумтанын
Эйэ холуубар тэҥниибин.

Өрүү күөҕүнэн симэнэр
Аарыма баҕах маспытын
Холуйабын мин — эһиэхэ
Аһыныгас далбар ыалга.

Барыбыт убаастаһыахха
Биирдэ бэриллэр олоххо,
Кэлэр кэм көмүс күннэрин
Кэмсиммэттии олоруохха.

Айхалланнын-Ытык Аҕа
Иэримэ дьиэ баһылыга,
Уруйданнын алгыһынан
Күндү-күн күбэй Ийэбит.

Тулхадыйбат эрэл санаа
Үөмэхтэһэ аргыстастын,
Үлэ, үөрэх арыаллаатын,
Оҕо саҥата чуопчаардын!

Сахам мааны сэмэй ыала
Иллээх эйэлээх буолаарыҥ,
Арахсыһыы аймаабатын —
Ырааҕынан тумнан аастын!
© М.В

Дата обновления страницы: 15.05.2020

Тел. доверия для детей, подростков и их родителей: 88002000122