О форуме Музыка для всех

16.08.2019

«Биһиктээх оҕо ийэтин ырыатыттан саҕалаан
музыка кэрэ эйгэтигэр киирэн барар…»

От ыйын 5 күнүгэр бүтүн Аан дойдутааҕы международнай форумҥа Кэбээйиттэн «Сардаана» оҕо уһуйаанын музыкальнай салайааччыта Сыроватская Айталина Моисеевна ситиһиилээхтик кыттан кэллэ. Форум түмүгүнэн үлэлэрэ биһирэнэн маннык кинигэлэргэ киирдэ:
Москватааҕы изданияга «Перо» 2019 сылга саҥа «Музыка для малышей. Муусука – кырачааннарга. Music for rids» диэн кинигэ таҕыста. Маннык үлэтэ бэчээттэннэ «Муусуканан оҕону сайыннарар оонньуу холобурдара». Бу саҥа кинигэбитигэр 3 омук тылынан переводтанан тахсыбыт.
Дьокуускайдааҕы изданияҕа “Алаас” 2019 сылга “Проект “Музыка для всех: инновации, технологии, разработки” диэн ыстатыйа хомуурунньуга таҕыста. Манна Айталина Моисеевна сахалыы музыкальнай хамсаныылаах оонньуу нөҥүө оҕоҕо кыра сааһыттан бэйэтин норуотун сиэрин-туомун, төрөөбүт төрүт түөлбэтин айылҕатын, көтөрүн-сүүрэрин билиһиннэрэр, этин-хаанын чэбдигирдэр, өйүн-санаатын сайыннарар “Сахалыы музыкальнай хамсаныылаах оонньуулар” диэн хомуурунньуга таҕыста.
Айталина Моисеевна өр кэмҥэ үлэлээбит сыралаах үлэтэ көстөр. Өссө да элбэх үлэтигэр ситиһиилэри баҕарабыт.

Суруйда “Сардаана” уһуйаан старшай иитээччитэ
Левина Алена Андреевна