«Уһуйааммыт быраһаай!»

31.05.2021

Тиийэн кэлиэ күһүммүт
Үөрэнээччи аатын сүгэн
Оскуолаҕа киириэххит

Билии көрүү кылаатын
Бииртэн биири арыйын,
Үөрэх үрдүк чыпчаалын
Чаҕыйбакка дабайыҥ!

Быйылгы үөрэх дьылыгар 2020-2021 сс уһуйааммытыттан 14 оҕо оскуола боруогун атыллыахтара. Олортон 7 сибэкки кыргыттарбыт уонна 7 Бухатыыр уолаттарбыт. Оҕолорбут улаатаннар өҥү-дьүһүнү араарар, үтүөнү-мөкүнү үйдүү үөрэннилэр. Ылбаҕай ырыаны, үгүс үҥкүүнү баһылаан араас өрүттээх тэрээһиннэргэ ситиһиилэрэ муҥура суох. Ахсааны суоттаан, дорҕоону арааран оскуолаҕа киирэргэ толору бэлэмнэр.

Алтан чуорааны лыҥкынатан тиийэн кэлиэ күһүммүт. Үөрэнээччи аатын сүгэн оскуолаҕа киириэххит. Кичэллээхтик, болҕойон сорудаҕы толороорун. Куруук 4, 5 ылан дьонноргутун үөрдээрин. Учууталгыт тылын истэн күнтэн күн эбиллэээриҥ! Доготторгутугар көмөлөһөн көхтөөх кылаас дэтээрин. Бэйэ-бэйэҕитин харыстаан истиҥник сыһыаннаһаарын. Спортка, культураҕа да туора туран хаалымаарын. “Сатыахпыт, табыллыа” диэхтээххитин өйдөөрүн! Ыраас сырдык ыраланан айа-тута сылдьаарыҥ. Ол эрээри уһуйааҥҥытын хаһан да умнумаарын!